[161] เหตุยา ตีณิ, อารมฺมเณ ฉ, อธิปติยา ปญฺจ, อนนฺตเร นว, สมนนฺตเร นว, สหชาเต ตีณิ, อญฺญมญฺเญ ตีณิ , นิสฺสเย ตีณิ, อุปนิสฺสเย นว…เป.… อวิคเต ตีณิ (สํขิตฺตํ)ฯ

นเหตุยา นว, นอารมฺมเณ นว (สํขิตฺตํ)ฯ

เหตุปจฺจยา นอารมฺมเณ ตีณิ (สํขิตฺตํ)ฯ

นเหตุปจฺจยา อารมฺมเณ ฉ (สํขิตฺตํ)ฯ

(ยถา กุสลตฺติเก ปญฺหาวารํ, เอวํ วิตฺถาเรตพฺพํฯ)

นเหตุปทํ

1-6. ปฏิจฺจวาราทิ

ปจฺจยจตุกฺกํ

เหตุปจฺจโย

[162] ปริตฺตํ นเหตุํ ธมฺมํ ปฏิจฺจ ปริตฺโต นเหตุ ธมฺโม อุปฺปชฺชติ เหตุปจฺจยา… ตีณิฯ

มหคฺคตํ นเหตุํ ธมฺมํ ปฏิจฺจ มหคฺคโต นเหตุ ธมฺโม อุปฺปชฺชติ เหตุปจฺจยาฯ มหคฺคตํ นเหตุํ ธมฺมํ ปฏิจฺจ ปริตฺโต นเหตุ ธมฺโม อุปฺปชฺชติ เหตุปจฺจยาฯ มหคฺคตํ นเหตุํ ธมฺมํ ปฏิจฺจ ปริตฺโต นเหตุ จ มหคฺคโต นเหตุ จ ธมฺมา อุปฺปชฺชนฺติ เหตุปจฺจยาฯ (3)

อปฺปมาณํ นเหตุํ ธมฺมํ ปฏิจฺจ อปฺปมาโณ นเหตุ ธมฺโม อุปฺปชฺชติ เหตุปจฺจยาฯ อปฺปมาณํ นเหตุํ ธมฺมํ ปฏิจฺจ ปริตฺโต นเหตุ ธมฺโม อุปฺปชฺชติ เหตุปจฺจยาฯ อปฺปมาณํ นเหตุํ ธมฺมํ ปฏิจฺจ ปริตฺโต นเหตุ จ อปฺปมาโณ นเหตุ จ ธมฺมา อุปฺปชฺชนฺติ เหตุปจฺจยาฯ (3)

ปริตฺตํ นเหตุญฺจ มหคฺคตํ นเหตุญฺจ ธมฺมํ ปฏิจฺจ ปริตฺโต นเหตุ ธมฺโม อุปฺปชฺชติ เหตุปจฺจยา… ตีณิฯ

ปริตฺตํ นเหตุญฺจ อปฺปมาณํ นเหตุญฺจ ธมฺมํ ปฏิจฺจ ปริตฺโต นเหตุ ธมฺโม อุปฺปชฺชติ เหตุปจฺจยาฯ (1) (สํขิตฺตํฯ)

[163] เหตุยา เตรส, อารมฺมเณ ปญฺจ, อธิปติยา นว…เป.… วิคเต ปญฺจ, อวิคเต เตรส (สํขิตฺตํ)ฯ

ปจฺจนียํ

นเหตุปจฺจโย

[164] ปริตฺตํ นเหตุํ ธมฺมํ ปฏิจฺจ ปริตฺโต นเหตุ ธมฺโม อุปฺปชฺชติ นเหตุปจฺจยาฯ (1) (สํขิตฺตํฯ)

นเหตุยา เอกํ, นอารมฺมเณ ปญฺจ, นอธิปติยา ทส…เป.… โนวิคเต ปญฺจ (สํขิตฺตํ)ฯ

เหตุปจฺจยา นอารมฺมเณ ปญฺจ (สํขิตฺตํ)ฯ

นเหตุปจฺจยา อารมฺมเณ เอกํ (สํขิตฺตํ)ฯ

(สหชาตวารมฺปิ…เป.… สมฺปยุตฺตวารมฺปิ ปฏิจฺจวารสทิสํ วิตฺถาเรตพฺพํฯ)

7. ปญฺหาวาโร

ปจฺจยจตุกฺกํ

[165] ปริตฺโต นเหตุ ธมฺโม ปริตฺตสฺส นเหตุสฺส ธมฺมสฺส อารมฺมณปจฺจเยน ปจฺจโยฯ ปริตฺโต นเหตุ ธมฺโม มหคฺคตสฺส นเหตุสฺส ธมฺมสฺส อารมฺมณปจฺจเยน ปจฺจโยฯ (2)

มหคฺคโต นเหตุ ธมฺโม มหคฺคตสฺส นเหตุสฺส ธมฺมสฺส อารมฺมณปจฺจเยน ปจฺจโยฯ มหคฺคโต นเหตุ ธมฺโม ปริตฺตสฺส นเหตุสฺส ธมฺมสฺส อารมฺมณปจฺจเยน ปจฺจโยฯ (2)

อปฺปมาโณ นเหตุ ธมฺโม อปฺปมาณสฺส นเหตุสฺส ธมฺมสฺส อารมฺมณปจฺจเยน ปจฺจโยฯ อปฺปมาโณ นเหตุ ธมฺโม ปริตฺตสฺส นเหตุสฺส ธมฺมสฺส อารมฺมณปจฺจเยน ปจฺจโยฯ อปฺปมาโณ นเหตุ ธมฺโม มหคฺคตสฺส นเหตุสฺส ธมฺมสฺส อารมฺมณปจฺจเยน ปจฺจโยฯ (3)

ปริตฺโต นเหตุ ธมฺโม ปริตฺตสฺส นเหตุสฺส ธมฺมสฺส อธิปติปจฺจเยน ปจฺจโย (สํขิตฺตํ)ฯ

[166] อารมฺมเณ สตฺต, อธิปติยา สตฺต, อนนฺตเร นว, สมนนฺตเร นว, สหชาเต เอกาทส, อญฺญมญฺเญ สตฺต, นิสฺสเย เตรส, อุปนิสฺสเย นว…เป.… อวิคเต เตรส (สํขิตฺตํ)ฯ